go liikon čállit. Goitge dát lea dego veahá imaš go geasa mun de human ja manne? Na dál áiggun goit geahččalit oaidnet leš doaibmá go....
Nubbe sivva manne háliidan dákkár blogga lea go mus leat nu ollu jurdagat fimma birra ja livččii somá juohkit dan mii dáhpáhuvvá Sámi Filbmaguovddáža bargguin olbmuiguin. Mis ii leat vel neahttasiidu. Mun dieđán ahte olbmot ohccalit dan ja seamma dagan mun ge, dat lea min áiggi diehtojuohkin. Mun lean goit dál bargame dainna ja sávvamis dán čavčča mii sáhttit dan almmuhit. Ođđa ásahusa ásahit ii gusto mana nu jođanit go olmmoš doaivvui álggos. Ja juste odne mus lei juoga váimmu nalde ja hálidin muitalit dan birra. Sámi Filbmaguovddažis mii leat ohccáme internašunála ovttasbargoguimmiid ja ond eožžon hui miellagiddevaš maila. Bird Runningwateris Sundance Institute´as. Som jođiha doppe álgoálbmot ossodaga ja sii dahket dakkar Native Labs USAs, muhto maid eará guovlluin dego Ođđa Zealánddas ja Australias. Dál lean gulahallame suinna ja bovden sin min lusa. Oaidnet leš ollášuvvá go. Jus dan dahká de dát lea stuora stuora lávki min ođđa ásahussii ja boahtá merkkašit ollu sámi filbmabargiide oažžut daid oktavuođaid Sundancain.
